Buyuk Britaniyaning Norij shahrida yashovchi Filip va Rozali Nikolson manziliga bir asr avval pochta orqali yuborilgan maktub yetib keldi. Jo‘natma Eve Braunga tegishli bo‘lib, ustida esa Londondagi Avliyo Paul Sobori surati aks etgan, deb yozadi Daily Mail.
Pochta markasi G‘arbiy Londonda joylashgan Mayda-Hill pochta bo‘limiga tegishli bo‘lib, jo‘natilgan sana sifatida 1920-yil 22-iyul ko‘rsatilgan.
“Hurmatli Evi, xatingga ertaroq javob qaytara olmaganligim uchun uzr so‘rayman. Umid qilamanki, buni to‘g‘ri qabul qilasan. Javob maktubida seni qachon kutishim kerakligi haqida xabar ber. Ob-havo borasida omading keladi, degan umiddaman. Muhabbat bilan amakivachchang Florri”, − deyilgan yuz yillik xabarda.
Er-xotin oradan yuz yil o‘tib yetib kelgan bu xabardan hayron bo‘ldi. Ularning taxminiga ko‘ra, oradan o‘tgan yillar mobaynida ushbu xat pochta bo‘limida bo‘lgan va endigina ko‘rsatilgan manzilga yuborilgan. Shuningdek, Nikolson oilasi Eva va Florrining uchrashganiga umid bildirdi.
Ushbu voqea mahalliy ommaviy axborot vositalari orqali e’lon qilindi va Eva Braunning avlodlari topilib, ularga maktub topshirildi.
Mavzuga doir:
- AQShda telefon ustasi mijozining xotiniga eri xiyonat qilayotganini aytib, uning “ko‘zlarini ochib qo‘ydi”
- Tailanddagi ko‘ngilochar bog‘ sayyohlar chiqindisini ularning o‘zlariga pochta orqali yuborishni yo‘lga qo‘ydi
- Oshiq yigit bog‘da tanishgan qizi bilan bog‘lana olmay, u yashaydigan ko‘chadagi hamma uyga qo‘lda yozgan 100 ta xatini yopishtirib chiqdi
Izoh (0)