Буюк Британиянинг Нориж шаҳрида яшовчи Филип ва Розали Николсон манзилига бир аср аввал почта орқали юборилган мактуб етиб келди. Жўнатма Эве Браунга тегишли бўлиб, устида эса Лондондаги Авлиё Паул Собори сурати акс этган, деб ёзади Daily Mail.
Почта маркаси Ғарбий Лондонда жойлашган Майда-Ҳилл почта бўлимига тегишли бўлиб, жўнатилган сана сифатида 1920 йил 22 июль кўрсатилган.
«Ҳурматли Эви, хатингга эртароқ жавоб қайтара олмаганлигим учун узр сўрайман. Умид қиламанки, буни тўғри қабул қиласан. Жавоб мактубида сени қачон кутишим кераклиги ҳақида хабар бер. Об-ҳаво борасида омадинг келади, деган умиддаман. Муҳаббат билан амакиваччанг Флорри», − дейилган юз йиллик хабарда.
Эр-хотин орадан юз йил ўтиб етиб келган бу хабардан ҳайрон бўлди. Уларнинг тахминига кўра, орадан ўтган йиллар мобайнида ушбу хат почта бўлимида бўлган ва эндигина кўрсатилган манзилга юборилган. Шунингдек, Николсон оиласи Эва ва Флоррининг учрашганига умид билдирди.
Ушбу воқеа маҳаллий оммавий ахборот воситалари орқали эълон қилинди ва Эва Брауннинг авлодлари топилиб, уларга мактуб топширилди.
Мавзуга доир:
- АҚШда телефон устаси мижозининг хотинига эри хиёнат қилаётганини айтиб, унинг «кўзларини очиб қўйди»
- Таиланддаги кўнгилочар боғ сайёҳлар чиқиндисини уларнинг ўзларига почта орқали юборишни йўлга қўйди
- Ошиқ йигит боғда танишган қизи билан боғлана олмай, у яшайдиган кўчадаги ҳамма уйга қўлда ёзган 100 та хатини ёпиштириб чиқди
Изоҳ (0)