Bir necha kun avval AQShning Redvud shahridagi banklardan birida ikki nafar yenot qo‘lga olindi.
Ma’lum qilinishicha bankomatdan pul yechayotgan erkak yenotni ofis ichida bodomli pechenye qutisiga qo‘l cho‘zayotganini ko‘rib qolgan va shu zahoti mutaxassislarni chaqirgan.
Yetib kelgan jonivorlarni himoya qiluvchi tashkilot vakillari bezori hayvonlarni tutishga muvaffaq bo‘lgan.
“Har kuni ham bankdagi bezorilikni tartibga solish uchun tashkilotimizga murojaat qilaverilmaydi. Menejerlar qutqaruvchilarni binoga kiritgach, yenotlarni 10 daqiqa ta’qib qildik va nihoyat zarar yetkazmagan holda ularni ko‘chaga quvib chiqardik. Ammo ular binoni tark etishni istamadi”, — deydi hayvon himoyachisi Baffi Martin.
Darhaqiqat, bank yenotlarga yoqib qolgan, ular bir lahzada kichik panjaralari bilan qog‘ozlarni sochgan, texnikalarga zarar yetkazgan va yeguliklar saqlanadigan quti hamda idishlarni yoyib tashlagan. Ammo hech narsa olib chiqib ketilmagan.
Jonivorlarni himoya qiluvchi tashkilot vakillarining aytishicha, yenotlar yopiq bino ichiga tomdan tushgan.
“Daraxtda kir panja izlari borligiga guvoh bo‘ldik. Shu sabab hayvonlar birinchi daraxtga va u orqali tomga chiqqan deb, taxmin qilmoqdamiz. Keyin nimadir qilib havo ventilyatsiya kanallariga kirib qolgan va shift plitalari orqali yerga yiqilgan”, — deb qo‘shimcha qiladi Baffi.
Izoh (0)