Polshada homilani oldirishning taqiqlanishiga qarshi aksiya ishtirokchilari mamlakatning turli shaharlarida yo‘llarni vaqtinchalik to‘sib qo‘ydi, deb yozadi Meduza.
Varshavada yo‘llarning to‘silishi kechki tig‘iz vaqtdan sal avvalroq boshlandi. Unda piyodalar, velosipedchilar va avtomobil haydovchilari qatnashdi. Natijada shahar markazida harakat bir necha soat davomida deyarli to‘xtab qoldi.
Przy rondzie Waszyngtona zablokowana jest jeszcze ul. Francuska. Starsze małżeństwo: nie szanujcie ludzi, utrudniacie życie. Protestujące: co mamy robić, probowałyśmy wszystkiego. #StrajkKobiet #ToJestWojna @OnetWiadomosci pic.twitter.com/X0cs2rwGob
— Bartek Rumienczyk (@BRumienczyk) October 26, 2020
Krakov, Shetsin va Vroslav kabi boshqa shaharlarda ham yo‘llardagi harakat to‘sib qo‘yildi. BBC News ma’lumotlariga ko‘ra, namoyishchilar Polshaning jami 50 ta shahrida yo‘llarni to‘sgan.
Polshadagi norozilik namoyishlari besh kundan buyon davom etmoqda. Ular Polsha Konstitutsiyaviy sudi homilada jiddiy nuqson va bedavo dard aniqlansa ham homilani oldirish imkoniyatini bekor qilganidan keyin boshlandi. Mamlakatdagi qonuniy abortlarning 98 foizi shu sababli amalga oshirilardi.
Izoh (0)