Польшада ҳомилани олдириш тақиқланганига қарши бўлган намойишчилар йўлларни тўсиб қўйди

Польшада ҳомилани олдиришнинг тақиқланишига қарши акция иштирокчилари мамлакатнинг турли шаҳарларида йўлларни вақтинчалик тўсиб қўйди, деб ёзади Meduza.

Варшавада йўлларнинг тўсилиши кечки тиғиз вақтдан сал аввалроқ бошланди. Унда пиёдалар, велосипедчилар ва автомобиль ҳайдовчилари қатнашди. Натижада шаҳар марказида ҳаракат бир неча соат давомида деярли тўхтаб қолди.

Przy rondzie Waszyngtona zablokowana jest jeszcze ul. Francuska. Starsze małżeństwo: nie szanujcie ludzi, utrudniacie życie. Protestujące: co mamy robić, probowałyśmy wszystkiego. #StrajkKobiet #ToJestWojna @OnetWiadomosci pic.twitter.com/X0cs2rwGob

— Bartek Rumienczyk (@BRumienczyk) October 26, 2020

Краков, Шецин ва Вроcлав каби бошқа шаҳарларда ҳам йўллардаги ҳаракат тўсиб қўйилди. BBC News маълумотларига кўра, намойишчилар Польшанинг жами 50 та шаҳрида йўлларни тўсган.

Польшадаги норозилик намойишлари беш кундан буён давом этмоқда. Улар Польша Конституциявий суди ҳомилада жиддий нуқсон ва бедаво дард аниқланса ҳам ҳомилани олдириш имкониятини бекор қилганидан кейин бошланди. Мамлакатдаги қонуний абортларнинг 98 фоизи шу сабабли амалга ошириларди.