Amerikalik bloger Instagram olamida shuhrat qozonish uchun har yili hashamatli buyumlarga millionlab pul sarflaydi, deb xabar berdi The Sun.
Ikki farzandning onasi Juli Xauptmann Los-Anjelesning eksklyuziv hududida yashaydi. U ijtimoiy tarmoqlarda mashhur bo‘lib qolish uchun garderobini muntazam ravishda oxirgi modeldagi sumkalar va hashamatli brend buyumlari bilan yangilab turadi.
Ma’lumotlarga ko‘ra, ayol har yili libos va aksessuarlar uchun 41500 dollar sarflaydi. Ammo blogerning xarajatlari uning daromadidan oshib ketadi. Shuning uchun u barcha xaridlarni katta ko‘chmas mulk agentligiga egalik qiladigan turmush o‘rtog‘i − Nilning mablag‘lari hisobidan to‘laydi.
“Agar turmush o‘rtog‘im qancha pul sarflayotganimni bilib qolsa, meni o‘ldirishi aniq”, − deya qo‘shimcha qiladi Xauptmann. Shu bilan birga, ayol katta bo‘lmagan buxgalteriya kompaniyasini boshqaradi va eriga ko‘chmas mulk sohasida yordam ham beradi.
Xauptmann yiliga bir marta xarid qilish uchun Parijga uchadi. U yerda Gucci, Zimmerman, Chanel, Hermes, Dior Christian Louboutin, Chloe va Dolce & Gabbana kabi turli brend buyumlarini moda uylaridan sotib oladi.
“Men, albatta, Instagram ishlaganimdan ko‘proq pul sarflayman, lekin barchasi hayotim uchun kerakli buyumlar. Shuning uchun pullarni behudaga sarflayapman, deb o‘ylamayman”, − deydi 52 yoshli bloger.
Xauptmanning ba’zi foydalanuvchilari unga nisbatan salbiy munosabatda bo‘ladi va maqtanchoqlikda ayblaydi. Hattoki 2017-yil uning uyiga jinoyatchilar bostirib kirib, uydan qimmatbaho sumkalar kolleksiyasini olib chiqib ketgan.
U taniqli bloger sifatida hashamatli hayotini Instagram orqali namoyish etishda davom etmoqda. U o‘z farovonligi uchun astoydil ishlashini va bu kabi hayotga loyiqligini ta’kidlaydi.
Izoh (0)