O‘lim to‘shagidagi ona so‘nggi orzusiga erishdi: u o‘g‘lining nikoh marosimiga keldi

O‘lim to‘shagida yotgan Singapur fuqarosi so‘nggi istagini amalga oshirdi va o‘g‘lining nikoh to‘yiga keldi, deb xabar beradi AsiaOne.

2020-yilning iyul oyida 71 yoshli Ng Yuet Xauga oshqozon osti bezi saratonining 4-bosqich tashxisi qo‘yildi. Shifokorlar bemorning ahvoli og‘irligi tufayli yana qancha yashashi mumkinligini ochiq aytmadi. Ammo bemorning bir orzusi bor: u 35 yoshli o‘g‘li Chia Fu Yunning 2020-yil 10-oktabrda bo‘lib o‘tadigan nikoh marosimida qatnashish edi.

https://www.facebook.com/114783613401327/photos/a.133773201502368/208289154050772/?type=3

Xau bor kuchi bilan sog‘ayishga harakat qildi, ammo to‘yga ikki hafta qolganda uning ahvoli og‘irlasha boshladi. Shunga qaramay, zaiflashgan onani xayriya tashkilotining vakillari davosi yo‘q bemorning so‘nggi istaklarini amalga oshirgan holda belgilangan sanada uni marosimga olib keldi. Xau o‘ta kuchli og‘riq tufayli atigi 10 daqiqa o‘tirishga muvaffaq bo‘ldi.

https://www.facebook.com/114783613401327/photos/a.133773201502368/208289054050782/?type=3

“Xau xonim gapirishga qiynaldi, ammo u xursandligidan hamshira va ko‘ngillilarga pichirlay oldi”, − deydi tashkilot vakili.

Chia Fu Yun xayrixohlarga ko‘z yoshlari bilan minnatdorlik bildirdi va to‘yi kuni onasining qilgan tabassumi uning xotirasida abadiy saqlanib qolishini ta’kidladi.