Америкалик блогер машҳурлик олиб келадиган ҳашамат учун 38 520 доллар сарфлади (фото)

Америкалик блогер Instagram оламида шуҳрат қозониш учун ҳар йили ҳашаматли буюмларга миллионлаб пул сарфлайди, деб хабар берди The Sun.

Икки фарзанднинг онаси Жули Хауптманн Лос-Анжелеснинг эксклюзив ҳудудида яшайди. У ижтимоий тармоқларда машҳур бўлиб қолиш учун гардеробини мунтазам равишда охирги моделдаги сумкалар ва ҳашаматли бренд буюмлари билан янгилаб туради.

Маълумотларга кўра, аёл ҳар йили либос ва аксессуарлар учун 41500 доллар сарфлайди. Аммо блогернинг харажатлари унинг даромадидан ошиб кетади. Шунинг учун у барча харидларни катта кўчмас мулк агентлигига эгалик қиладиган турмуш ўртоғи − Нилнинг маблағлари ҳисобидан тўлайди.

«Агар турмуш ўртоғим қанча пул сарфлаётганимни билиб қолса, мени ўлдириши аниқ», − дея қўшимча қилади Хауптманн. Шу билан бирга, аёл катта бўлмаган бухгалтерия компаниясини бошқаради ва эрига кўчмас мулк соҳасида ёрдам ҳам беради.

Хауптманн йилига бир марта харид қилиш учун Парижга учади. У ерда Gucci, Zimmerman, Chanel, Hermes, Dior Christian Louboutin, Chloe va Dolce & Gabbana каби турли бренд буюмларини мода уйларидан сотиб олади.

«Мен, албатта, Instagram ишлаганимдан кўпроқ пул сарфлайман, лекин барчаси ҳаётим учун керакли буюмлар. Шунинг учун пулларни беҳудага сарфлаяпман, деб ўйламайман», − дейди 52 ёшли блогер.

Хауптманнинг баъзи фойдаланувчилари унга нисбатан салбий муносабатда бўлади ва мақтанчоқликда айблайди. Ҳаттоки 2017 йил унинг уйига жиноятчилар бостириб кириб, уйдан қимматбаҳо сумкалар коллекциясини олиб чиқиб кетган.

У таниқли блогер сифатида ҳашаматли ҳаётини Instagram орқали намойиш этишда давом этмоқда. У ўз фаровонлиги учун астойдил ишлашини ва бу каби ҳаётга лойиқлигини таъкидлайди.