“Uyda yolg‘iz” filmi qahramoni 40 yoshli Makoley Kalkin ota rolini o‘ynashga qaror qildi. Aktyor buning uchun mushugini aravachada sayrga olib chiqdi

Aktyor Makoley Kalkin yaqindagina 40 yoshga to‘lganligini nishonladi. Aftidan, aktyor ushbu yoshini farzandli bo‘lish uchun ma’qul deb o‘ylagan ko‘rinadi. Shuningdek, u Brenda Song bilan shaxsiy munosabatlari haqida ham avvalroq aytib o‘tgandi.

“Uyda yolg‘iz” filmining yulduzi chindan ham ota bo‘lishga tayyorgarlik ko‘rayotganini u mushukni bolalar aravachasida ko‘chaga olib chiqqanidan ham payqash mumkin. Uning sevgilisi kuchukni bo‘yinbog‘ vositasida sayr qildirmoqda. Buning hayratlanarli joyi yo‘q. Ammo aktyor mushuk solingan aravachani qandaydir boshqacha tuyg‘u bilan yetaklab ketmoqda. Bundan tashqari, u egniga “Hissiy qo‘llab-quvvatlovchi inson” yozuvi tushirilgan futbolka ham kiyib olgan.