Boks bo‘yicha yengil vazn toifasi reytingida yetakchilik qilayotgan Vasiliy Lomachenko (14-1, 10 KO) IBF kamari sohibi Teofimo Lopesga (15-0, 12 KO) qarshi jang oldidan o‘z fikrlari bilan o‘rtoqlashdi.
“Uni yaxshigina ta’zirini berib qo‘ymoqchiman. Lopesning otasi o‘g‘li va o‘zini super yulduz sanayotgan ko‘rinadi, xuddi Tayson Fyuridek. Aynan shuning uchun ular har safar nimalarnidir valdiraydi, shu tufayli ulardan doimiy ravishda haqoratli so‘zlar yangraydi. Aslida ular hech qanday yulduz emas, shunchaki yulduz rolini o‘ynaydi, xolos. Ha, bu to‘g‘ri. Ularning ikkisi ham menga yoqmaydi. Ularning men haqimda har safar qandaydir bo‘lmag‘ur gap o‘ylab topishini bunga sabab qilib ko‘rsatgan bo‘lardim. Ular men haqimda juda ko‘p gapiradi.
Boksdagi uzoq tanaffus menga qanday ta’sir qiladi? Anig‘ini bilmayman, avvallari menda bunaqasi bo‘lmagan, yil davomida jang o‘tkazmadim. Bu menga qanday ta’sir qilganini shanba kuni ko‘ramiz. O‘ylashimcha, ringda shaxmat o‘yini bo‘ladi. Men shunday ko‘ryapman. Bor e’tiborim jangga qaratilgan. Boshqa hech narsa haqida o‘ylamayapman. Go‘yoki u, men, referi, hakamlar va televideniye xodimlaridan boshqa hech kim yo‘qdek. Va albatta, o‘rtaga tikilgan to‘rtta kamar ham”, — deydi Lomachenko.
Lomachenko va Lopes o‘rtasidagi jang Toshkent vaqti bilan 18-oktabr kuni AQShda bo‘lib o‘tadi. Uning g‘olibi WBO, IBF, WBA (Super) va The Ring chempionlik kamarlariga ega chiqadi.
Izoh (0)