PSJ Mbappega 5 yil uchun 150 mln yevro to‘lashga tayyor. Futbolchiga “Real” qiziqish bildirmoqda

PSJ jamoa hujumchisi Kilian Mbappeni o‘z safida olib qolishni xohlamoqda. Klub futbolchiga yangi shartnoma taklif ham qildi, deb yozmoqda AS.

Parijliklar 21 yoshli Mbappega yangi 5 yillik kelishuv taklif qilgan. Unga ko‘ra, Kilianning yillik maoshi 30 million yevroni tashkil etadi. Mbappe hozircha ushbu taklifga javob bermagan. Futbolchiga yaqin manbalarga ko‘ra, hozirda Kilian “Real”ga ko‘chib o‘tish haqida o‘ylamoqda. Qayd etish joiz, madridliklar prezidenti Florentina Peres ham Mbappening xizmatlariga shaxsan qiziqib qolgan va ushbu transferni klub uchun strategik ahamiyatga ega deb hisoblamoqda.

Mbappening PSJ bilan amaldagi kelishuv 2022-yil yoziga qadar amalda bo‘ladi. Futbolchining transferi esa 180 million yevroga baholanmoqda.

Ma’lumot uchun, Mbappe 2017-yilning yozidan beri PSJda to‘p so‘radi. Parij klubi uning transferi uchun 145 million yevro sarflagandi. Dekabr oyida 22 ga to‘ladigan Mbappe 2019/20-yilgi mavsumda Fransiya chempionatining 20 ta uchrashuvida maydonga tushib, 18 gol va 5 ta golli uzatmaga mualliflik qildi.