“Liverpul” bosh murabbiyi Yurgen Klopp Angliya chempionatining 4-turidan o‘rin olgan “Aston Villa”ga qarshi o‘yinda qabul qilingan 2:7 hisobidagi mag‘lubiyatga qanday munosabatda bo‘lgani haqida gapirdi.
O‘sha o‘yindan keyingi kecha hayotimdagi eng zo‘ri emas edi, ammo ertalab men yigitlar bilan gaplashishim kerakligini bilardim. Biroq ular yonimda emasdi. Shunda men ularga juda uzun xabar yozdim, unda nimalar bo‘lgani haqida barcha fikrlarimni bayon qildim. Shundan so‘ng o‘zimni ancha yaxshi his qildim, chunki endi bu gaplarni ichimda saqlamayotgandim. Shu vaqtdan boshlab biz oldinga siljishimiz mumkin edi va biz bunga erishdik.Eslatib o‘tamiz, “Everton” — “Liverpul” uchrashuvi 17-oktabr, shanba kun bo‘lib o‘tadi.Ushbu muvaffaqiyatsizlikka qarshi kurashish uchun bizda ancha vaqt bor edi. Mag‘lubiyat biz xohlagan narsalarning aksidir, 2:7 hisobidagi mag‘lubiyat esa bundan ham dahshatli. Ammo ba’zida bunday tajribaning ham foydali bo‘lishi mumkinligini ko‘rsatish kerak. Bizda shanba kungi “Everton”ga qarshi o‘yinda shunday imkoniyat bo‘ladi.
Yurgen Klopp, “Liverpul” bosh murabbiyi
“Liverpul” 4-turdan so‘ng 9 ochko bilan turnir jadvalida 5-o‘rindan joy olgan bo‘lsa, “Everton” 12 ochko bilan 1-pog‘onada bormoqda.
Izoh (0)