Бокс бўйича енгил вазн тоифаси рейтингида етакчилик қилаётган Василий Ломаченко (14-1, 10 КО) IBF камари соҳиби Теофимо Лопесга (15-0, 12 КО) қарши жанг олдидан ўз фикрлари билан ўртоқлашди.
«Уни яхшигина таъзирини бериб қўймоқчиман. Лопеснинг отаси ўғли ва ўзини супер юлдуз санаётган кўринади, худди Тайсон Фьюридек. Айнан шунинг учун улар ҳар сафар нималарнидир валдирайди, шу туфайли улардан доимий равишда ҳақоратли сўзлар янграйди. Аслида улар ҳеч қандай юлдуз эмас, шунчаки юлдуз ролини ўйнайди, холос. Ҳа, бу тўғри. Уларнинг иккиси ҳам менга ёқмайди. Уларнинг мен ҳақимда ҳар сафар қандайдир бўлмағур гап ўйлаб топишини бунга сабаб қилиб кўрсатган бўлардим. Улар мен ҳақимда жуда кўп гапиради.
Боксдаги узоқ танаффус менга қандай таъсир қилади? Аниғини билмайман, авваллари менда бунақаси бўлмаган, йил давомида жанг ўтказмадим. Бу менга қандай таъсир қилганини шанба куни кўрамиз. Ўйлашимча, рингда шахмат ўйини бўлади. Мен шундай кўряпман. Бор эътиборим жангга қаратилган. Бошқа ҳеч нарса ҳақида ўйламаяпман. Гўёки у, мен, рефери, ҳакамлар ва телевидение ходимларидан бошқа ҳеч ким йўқдек. Ва албатта, ўртага тикилган тўртта камар ҳам», — дейди Ломаченко.
Ломаченко ва Лопес ўртасидаги жанг Тошкент вақти билан 18 октябрь куни АҚШда бўлиб ўтади. Унинг ғолиби WBO, IBF, WBA (Супер) ва The Ring чемпионлик камарларига эга чиқади.
Изоҳ (0)