28-iyul kuni soat 22:00 larda Surxondaryo viloyati Angor tumanidagi mahalliy korxonalardan biriga tegishli ombor hududida yoqilg‘i sisternasi portlab ketdi, deb xabar beradi FVV matbuot xizmati.
Ma’lumotlarga ko‘ra, 1981-yilda tug‘ilgan payvandchi K.A. dizel yoqilg‘isi solingan 10 tonnalik sisternani payvand qilib yamamoqchi bo‘lgan. Xavfsizlik texnikasi qoidalariga rioya qilmaslik sisternaning portlashiga olib kelgan.
Favqulodda hodisa oqibatida fuqaro K.A. voqea joyida vafot etgan, uning yonida turgan P.K. esa tanasining turli darajadagi kuyishlari bilan tuman tibbiyot birlashmasiga yetkazilgan.
Alanga sisterna yonida turgan Isuzu rusumli yuk mashinasining ham butunlay yonib ketishiga sabab bo‘lgan.
“Hodisa joyiga yetib kelgan Surxonadaryo viloyati Favqulodda vaziyatlar boshqarmasining ikkita yong‘in-qutqarish ekipaji tezkorlik bilan yong‘inni o‘chirishga muvaffaq bo‘ldi”, — deyiladi xabarda.
Izoh (0)