Andijon viloyatida yashovchi fuqaro uyida sinfdoshlari bilan o‘tirish vaqtida tanishi bilan janjallashib ketib, uni o‘ldirib qo‘ygan, deya xabar beradi Tergov departamenti.
Qayd etilishicha, 2020-yilning 5-iyul kuni soat 14:00 da 47 yoshli Sh. G‘. tanishi D.A.ning Shahrixon tumani Abdubiy ko‘chasida joylashgan yashash xonadonida bir necha nafar sinfdoshi bilan spirtli ichimlik iste’mol qilib, mast holda 50 yoshli A.S. bilan o‘zaro gap tortishib janjallashib qolgan.
Janjal oqibatida o‘tirgan holatda bo‘lgan A.S.ni oyog‘i bilan bo‘yin sohasiga bir marotaba tepgan vaqtida A.S. hushidan ketib hodisa joyida vafot etgan.
Holat yuzasidan Shahrixon tumani IIB huzuridagi Tergov bo‘limi tomonidan Jinoyat kodeksining 104-moddasi 3-qismi “d” bandi (Jabrlanuvchining o‘limiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilgan.
Hozirda dastlabki tergov harakatlari olib borilmoqda.
Mavzuga doir:
Izoh (0)