Bugun,

  • USD 11095.31
  • RUB 173.84
  • EUR 10772.44

Telegram’ning 4-iyun kuni taqdim etilgan yangilangan versiyasi orqali videoyozuvlarni tahrirlash, GIF-reaksiya va suratlardagi animatsiyalarni yaxshilash imkoniyati paydo bo‘ldi. Bu haqda kompaniya blogida xabar berildi.

Foto: WayToStart

Foto: WayToStart

2015-yilda Telegram messenjer uchun unikal bo‘lgan, rasmlar sifatini yaxshilash va ularga chizma, stiker va matn qo‘shish imkonini beruvchi rasm muharririni taqdim etgan edi. Endilikda ushbu muharrir videolarni qayta ishlash hamda video va rasmlarga animatsiyali stikerlarni joylash imkoniyati ham paydo bo‘ldi.

Videomuharrir avtomatik ravishda video sifatini yaxshilash — yoki oddiy usulda yorqinlik, to‘yinganlik va boshqa parametrlarni sozlash, shuningdek, matn joylash yoki rasm qo‘shish imkonini beradi.

Animatsiyali stikerlarni qo‘shish

Eng muhimi, endi istalgan rasm yoki videoga animatsiyali stikerlarni qo‘shish mumkin – masalan, tushlik dasturxonini raqsga tushuvchi olchalar bilan bezatsa bo‘ladi. Agar rasmga stiker joylansa, u avtomatik ravishda GIF-animatsiya sifatida yuboriladi:

Foto: Telegram

Foto: Telegram

Yaxshilangan GIF paneli

GIF panelida yangi “Ommabop” bo‘limi, shuningdek, mos keluvchi emodzi bo‘yicha topish mumkin bo‘lgan GIF’lar jamlanmasi paydo bo‘ldi. Kichik Robert Dauni GIF’ini buning uchun so‘zni yozmasdan yuborish mumkin.

Foto: Telegram

Foto: Telegram

Shuningdek, panelda kerakli GIF’ni tezroq topish uchun animatsiyalar yuklanishini ham tezlashtirildi. Oldin yuborilmagan istalgan GIF’ni keyinchalik foydalanish maqsadida “Oxirgilar” varag‘iga saqlash uchun uni ushlab tursa bo‘ladi.

Android uchun yangiliklar

Android foydalanuvchilarini yana bir nechta yangilik kutmoqda. Endi xabarlarni yangi ravon animatsiyalar bilan yuborish, tahrirlash va o‘chirib tashlash mumkin. Shuningdek, boshqaruv tugmalari va uzun izohlar tezroq g‘oyib bo‘lishi uchun videopleyerni yaxshilandi. 30 soniyadan qisqaroq videolar endi avtomatik takrorlanadi.

Foto: Telegram

Foto: Telegram

Bundan tashqari, keshni boshqarish panelini yangilandi (Sozlamalar > Ma’lumotlar va xotira > Xotiradan foydalanish). Endi nafaqat ilova qurilmada ortiqcha joy egallamasligiga ishonch hosil qilish, balki interfeys chiroyini baholash mumkin.

Va nihoyat, ikki bosqichli tekshiruv sozlamalarida maymuncha paydo bo‘ldi. Hisobni qo‘shimcha parol bilan himoyalashga hech qachon kech emas. Agar buni hali amalga oshirmagan bo‘lsangiz, parolni maxfiylik sozlamalarida o‘rnatish mumkin – bir vaqtning o‘zida maymunchadan zavqlangan holda.

Izoh
Asosiy yangiliklar
Kitob
“Shayton kitob timsolida hayotimga kirib kelgan va barcha narsani o‘ziniki qilib olgan edi…” “Qora kitob” asari haqida
Dunyo
Yuzga tushgan chandiq, quldorlarga qarshi kurash va teatrda otib ketilgan prezident — Linkoln. Xalq orasida eng mashhur AQSH prezidenti taqdiri
Kino
“Yonarqo‘ng‘izlar qabri”, “Yurak shiviri”, “Mushukning qaytishi”  — Yapon rejissorlarining eng yaxshi animelari