Видеомуҳаррир, анимацияли стикерлар қўшиш, яхшиланган GIF панели. Telegram’нинг янгиланган версияси тақдим этилди

Telegram’нинг 4 июнь куни тақдим этилган янгиланган версияси орқали видеоёзувларни таҳрирлаш, GIF-реакция ва суратлардаги анимацияларни яхшилаш имконияти пайдо бўлди. Бу ҳақда компания блогида хабар берилди.

2015 йилда Telegram мессенжер учун уникал бўлган, расмлар сифатини яхшилаш ва уларга чизма, стикер ва матн қўшиш имконини берувчи расм муҳарририни тақдим этган эди. Эндиликда ушбу муҳаррир видеоларни қайта ишлаш ҳамда видео ва расмларга анимацияли стикерларни жойлаш имконияти ҳам пайдо бўлди.

Видеомуҳаррир автоматик равишда видео сифатини яхшилаш — ёки оддий усулда ёрқинлик, тўйинганлик ва бошқа параметрларни созлаш, шунингдек, матн жойлаш ёки расм қўшиш имконини беради.

Анимацияли стикерларни қўшиш

Энг муҳими, энди исталган расм ёки видеога анимацияли стикерларни қўшиш мумкин – масалан, тушлик дастурхонини рақсга тушувчи олчалар билан безатса бўлади. Агар расмга стикер жойланса, у автоматик равишда GIF-анимация сифатида юборилади:

Яхшиланган GIF панели

GIF панелида янги «Оммабоп» бўлими, шунингдек, мос келувчи эмодзи бўйича топиш мумкин бўлган GIF’лар жамланмаси пайдо бўлди. Кичик Роберт Дауни GIF’ини бунинг учун сўзни ёзмасдан юбориш мумкин.

Шунингдек, панелда керакли GIF’ни тезроқ топиш учун анимациялар юкланишини ҳам тезлаштирилди. Олдин юборилмаган исталган GIF’ни кейинчалик фойдаланиш мақсадида «Охиргилар» варағига сақлаш учун уни ушлаб турса бўлади.

Android учун янгиликлар

Android фойдаланувчиларини яна бир нечта янгилик кутмоқда. Энди хабарларни янги равон анимациялар билан юбориш, таҳрирлаш ва ўчириб ташлаш мумкин. Шунингдек, бошқарув тугмалари ва узун изоҳлар тезроқ ғойиб бўлиши учун видеоплеерни яхшиланди. 30 сониядан қисқароқ видеолар энди автоматик такрорланади.

Бундан ташқари, кешни бошқариш панелини янгиланди (Созламалар > Маълумотлар ва хотира > Хотирадан фойдаланиш). Энди нафақат илова қурилмада ортиқча жой эгалламаслигига ишонч ҳосил қилиш, балки интерфейс чиройини баҳолаш мумкин.

Ва ниҳоят, икки босқичли текширув созламаларида маймунча пайдо бўлди. Ҳисобни қўшимча парол билан ҳимоялашга ҳеч қачон кеч эмас. Агар буни ҳали амалга оширмаган бўлсангиз, паролни махфийлик созламаларида ўрнатиш мумкин – бир вақтнинг ўзида маймунчадан завқланган ҳолда.