Reklama bukletlari xaridorlarga megaqulay, supernufuzli xonadonlarni taklif qilishadi. Aslida oliy darajadagi uy-joyni budjetli variantdan qanday ajratishni kamdan kam inson biladi. Bu haqda First Development Group (FDG) developerlik kompaniyasining sotish bo‘limi rahbari Xolnazarov Murod bilan suhbatlashdik.
An’anaga ko‘ra ko‘chmas mulk bozorida 4 ta klassdagi uy-joy ajratiladi: ekonom, komfort, biznes va elit. Toshkentda qurilgan yangi uylarning 70%i qurilish kompaniyalari tomonidan komfort darajasidagi uy-joy sifatida belgilangan.
Uy-joy klasslarini ajratishning nima keragi bor?
Premium, elite, luxury kabi atamalar — developerlar bizning xonadonni sotib olishga undaydigan oddiy so‘zlardir. Qonunchilik miqyosida har bitta klassga nisbatan biriktirilgan talablar mavjud emas. Biroq umumiy qabul qilingan xususiyatlarni bilgan holda vijdonan ish tutmagan qurilish kompaniyasi bizga budjetli variantni oshirilgan narx bo‘yicha sotmasligi maqsadida u yoki bu holda qanday qulayliklar taqdim etilishini bilib olishimiz mumkin.
Plyus nimani anglatadi?
Plyus qo‘shimchasi har bir turar joy majmuasining yuqoriroq hisoblangan klassga xos taraflari borligini bildiradi. Misol uchun, Parkent Plaza’ning uchinchi fazasida (komfort plyus segmenti) o‘z xususiyatlar mavjud: mashinalarsiz hovli, yerosti avtoturargohidan xonadongacha lift, vodeokuzatuv, futbol maydonchasi.
Uy-joy klassini mustaqil ravishda aniqlaymiz
Ekonom klass uylari olis tumanlarda joylashgan bo‘lib, arzon uy-joy kabi belgilanadi. Infratuzilma odatda yo‘lga qo‘yilmagan bo‘ladi, aholi transport va yetarli miqdorda maktablar, bolalar bog‘chalari, poliklinikalar kamligidan shikoyat qiladi.
Yuqoriroq darajadagi turar joy majmualarida bunday muammolar yuzaga kelmaydi. Komfort klass uy-joylarini, qurilish kompaniyasi infratuzilmani planirovka bosqichidayoq o‘ylab qo‘yadi. Birinchi qavatlarda, albatta, dorixonalar, kafe, bog‘chalar uchun joy ajratiladi. Uy-joyning klassi ko‘tarilishi bilan mashina qo‘yish joylarining koeffitsiyenti ham oshadi: komfortdagi 0,5 dan (100 xonadonga 50 ta joy) biznesdagi 1,5%, va elitdagi 2% gacha.
Yana bitta ko‘rsatkich bu — hovli. Ekonom segmentida bolalar maydonchalari katta bo‘lmasa, komfort klassdagi TJMda ular keng va bolalar yoshiga qarab ajratilgan bo‘ladi. Sirg‘anchiq, arg‘imchoq va qum maydonlari – 3 yoshdan 7 yoshgacha bo‘lgan bolalar uchun mo‘ljallangan bo‘lsa, o‘yin shaharchalari — 7 dan 12 yoshgacha, workout hudud — o‘spirinlar va kattalar uchun. Biznes va elit klasslarning maydonchalari xuddi ana shunday mezon bo‘yicha hududlarga bo‘linadi, lekin turli tarzda jihozlanadi (futbol va basketbol maydonlari, ministadionlar).
Biz qancha va nima uchun to‘laymiz?
Uy-joy darajasi qancha yuqori bo‘lsa, developer loyihaga shuncha ko‘p pul sarflaydi. Komfort klass turar joy majmualarida yuqori darajadagi og‘irlikka dosh bera oladigan yaxlit poydevor quyiladi, tashqi va ichki pardozlash ishlari uchun qimmatroq materiallardan foydalaniladi.
Nufuzli uylarda konsyerj va boshqaruvchi kompaniya ko‘zda tutilgan bo‘ladi, maydonning bir qismi esa jamoat foydalanish joylari uchun ajratiladi: ona-bola xonasi, kutish zonasi, bolalar aravachalari uchun joy. TJMda xavfsizlik kameralari, elektron qulfli eshiklar, mashinalarsiz hovli bilan ta’minlanadi, boshqaruv “aqlli uy” tizimi orqali amalga oshiriladi. Afzalliklarning to‘liq ro‘yxati o‘z yashovchilariga maksimal darajada qulay yashash tarzini ta’minlashga intilgan developerning tasavvuriga bog‘liq bo‘ladi.
Qayerda ortiqcha pul to‘lashingiz ehtimoli mavjud?
Yangi qurilgan uyda xonadon tanlashda e’tiborni nafaqat uning metrajiga, balki planirovkasiga ham qarating. Qurilish kompaniyasi bir tipdagi, eskirgan loyihani olib, har xonaning maydonini kengaytirib, uni biznes klass uy-joylari qatoriga kiritishi mumkin. Ko‘rinishdan kvadrat metri ko‘proq bo‘lganidek, lekin foydali tomoni hech ham sezilmaydi: derazalar soni o‘zgarmadi, xonalar yonma-yon, yo‘lak nihoyatda katta, lekin undan foydalanib bo‘lmaydi.
Parkent Plaza TJM uchinchi fazasida “komfort plyus” turdagi uy-joylar uchun biz Smart planirovka konsepsiyasini qo‘lladik. Bu xonadon inson va uning ehtiyojlari atrofida qurib chiqiladigan yondashuv hisoblanadi. Har bir metr kvadratdan foydalanish imkoni paydo bo‘ladi. Bunga kiyim javonlari, shkaf-kupelar puxta o‘ylagan holda joylashtirish hamda bo‘shliqni ratsional tarzda tashkillashtirish orqali erishiladi.
Xonadon tanlashda siz tanlagan developerning hech bo‘lmaganda foydalanish uchun topshirgan bitta uyini, albatta, ko‘rib chiqing. Siz shunda o‘z ko‘zlaringiz bilan bajarilgan ishlar sifatini baholashingiz va to‘g‘ri tanlov qilishingiz mumkin bo‘ladi.
Sotuv bo‘limining telefoni: (+998) 78−150−55−11.
Sayt: http://parkent-plaza.uz/
Telegram: t.me/fdguz
Instagram: @fdg_uz
Facebook:fb.com/firstdevelopmentgroup
Reklama huquqi asosida.
Izoh (0)