Yoki o‘z vazifasi va qadriyatlariga ega bo‘lgan kompaniyada nimalar sodir bo‘lishi haqidagi hikoya
Agar kompaniya jamoasi juda murakkab, amalda bajarish imkonsiz bo‘lgan ishni bajarishga kirishsa, rahbariyat esa nafaqat yordam ko‘rsatibgina qolmay, balki muvaffaqiyatga erishish jarayonida bevosita ishtirok etsa nima bo‘ladi? Katta ehtimol bilan, vazifa bajariladi! Chunki, umumiy maqsadlar va qadriyatlar mavjud bo‘lgan joyda doimo o‘zaro yordam, qo‘llab-quvvatlash va har kimda imkon qadar ko‘proq o‘z hissasini qo‘shishga xohish bo‘ladi.
Bularning barchasi HM Partners kompaniyalar guruhining HR-bo‘limi tomonidan tashkil etilgan biznes-o‘yin orqali namoyish etildi. Ko‘prik qurilish qatnashchilari nafaqat har qanday ishni bajarishda bir-birlariga yordam berish va qo‘llab-quvvatlashning, balki muvaffaqiyatli aloqalarni o‘rnatish va shaxsiy intilishlarini kompaniyaning maqsadlari bilan birlashtirish ham naqadar muhimligini tushunib yetishdi.
- “Biz muntazam ravishda korporativ tadbirlar – taqdimotlar, seminarlar, treninglar va shu kabilarni o‘tkazamiz. Ular butun kompaniyaning korporativ ruhi va madaniyatini mustahkamlashga, xodimlarni birlashtirishga yordam beradi”, – deydi HM Partners’ning HR-direktori Gavhar Safayeva. – Ammo bu safar biz barchaga maksimal darajada harakat qilishga imkon bergan va hamma uchun umumiy ishga daxldorlikni his qilish imkoniyatini bergan yangi formatdan foydalanishga qaror qildik.O‘yinda O‘zbekiston va butun dunyodagi tadbirkorlarni birlashtiradigan ishonchli ko‘prikni qurish kerak bo‘ldi va shu o‘yinda barcha hamkor kompaniyalarning xodimlari qatnashdilar.
– Bu xoldingning kompaniyalarini jipslashtirishga yordam berdi. Top-menejerlar o‘zlarini oddiy xodimlardek his eta olishdi, biz hammamiz katta ahil jamoa bo‘ldik, – deydi CLG yo‘nalishi rahbari Dilshod Jo‘rayev.Ko‘prikni “qurish”dagi asosiy ustunlar, uning asosiy tarkibiy qismlari HM Partners’ning qadriyatlari – halollik va mas’uliyatlilik, natijaga intilish va buning uchun ishlash, hayot sifatini yaxshilash, doimiy o‘sish va rivojlanish bo‘ldi. Bu esa, HM Partners uchun shunchaki so‘zlar emas, balki aniq maqsadlar va natijalar, bu xodimlar uchun ishlab chiqilgan ijtimoiy dasturlar, ko‘makka muhtoj bo‘lganlarni qo‘llab-quvvatlashdir.
– Qadriyatlar kompaniyaning qayerga qarab harakat qilishi va o‘sishi, jamoada qandaydir vazifani hal qilishda nimalarga tayanishi va umuman kompaniya xodimidan nimani kutishi haqidagi aniq tushunchalarni o‘zida mujassam etadi, – deb ta’kidlaydi, “Ground Zero Kitob olami” filiali rahbari Dilbar Bahodirova.
Shunday qilib, xodimlarni rivojlantirish – bu xodimlarni boshqarishning eng muhim tarkibiy qismidir. Har yili HM Partners marketing va reklama sohasida boshqaruvchilar, savdo menejerlari va boshqalar uchun boshqaruv xodimlarining malakasini oshirish bo‘yicha treninglar tashkil etadi. Buning yordamida xodimlar o‘sishi, yangi kasbiy cho‘qqilarni zabt etishlari mumkin.
Butun jamoa ish jarayoniga jalb qilingan bo‘lishi va natijaga yo‘naltirilgan bo‘lishi muhimdir. Shu maqsadda kompaniyada har bir xodim va uning boshqaruvchisi faoliyatining samaradorligini ko‘rib chiqishga imkon beradigan xodimlarning faoliyatini baholashning KPI (Key Performance Indicators) tizimi joriy qilinganiga 5 yildan oshdi. Shuningdek xodimlarning kompetensiyalarini baholash ham amalga oshiriladi, bu baholashdan ko‘zlangan maqsad bir tomondan kompaniyadagi mavjud inson resurslarini aniqlash va ulardan unumli foydalanish va boshqa tomondan xodimlarning yashirin iste’dodlarini aniqlashdir.
– Kompaniyaning vazifalari va qadriyatlarini bilish xodimlarga ularning shaxsiy manfaatlari va hayotdagi maqsadlari kompaniya qilayotgan ish bilan mos keladimi yoki yo‘qligini tushunishga, ularni jamoa bilan bo‘lishishga va shu tariqa tashkilot ichida va tashqi sheriklar va mijozlar bilan o‘zaro aloqada bo‘lganda o‘zlarini qulay his qilishlariga imkon beradi, – deydi HM Partners’ning bosh ijrochi direktori (CEO) Doniyor Alimov.
— Vazifalar va qadriyatlar xodimlarning o‘sishi va rivojlanishiga yordam berishi juda muhimdir. Mana, masalan, bizning kompaniyamizda ichki tadbirkorlik dasturi mavjud. Agar xodimlardan biri o‘zining biznes g‘oyasiga ega bo‘lsa, u biznes-loyiha tayyorlashi va u bilan direktorlar kengashi oldida chiqish qilishi mumkin va uning loyihasi agar tasdiqlansa, yangi qo‘shma loyihalar paydo bo‘ladi.
— Missiya — bu biznesning nimaga mo‘ljallangani, uning asosiy maqsadini aks ettiruvchi biznes tushunchasidir. U tashkilot hozirgi paytda nima uchun mavjudligini belgilaydi. Tashkilotning har bir xodimi ushbu vazifani shakllantirishga qodir bo‘lishi kerak ”, – deydi mafkuraviy ilhom beruvchi, o‘yin texnikasi murabbiyi va o‘yin fasilitatori Oksana Novojenina.
— Biznes har doim samaradorlikka ega bo‘lishni talab qiladi. Bozor sharoitida samarali bo‘lish uchun raqobatda ustunlikka ega bo‘lish kerak. Va bu yerda bizga korporativ qadriyatlar yordamga keladi, ular kompaniyaning DNK’si singari, sizning biznesingizni raqobatchilardan ajralib turishiga yordam beradi.
Korporativ qadriyatlar kompaniyada, jamiyatdagi axloq bilan bir xil vazifani bajaradi: ularning yashashiga va rivojlanishiga imkon beradi. Ular qarorlar qabul qilish uchun qo‘llanma bo‘lib xizmat qiladi va xodimlarga ular uchun mas’uliyatni o‘z zimmasiga olishga yordam beradi, savdo-sotiq va marketing strategiyalaridan tortib mijozlarga xizmat ko‘rsatish va ish beruvchining brendigacha biznesning barcha jabhalariga ta’sir ko‘rsatadi.
HM Partners o‘z missiyasi sifatida O‘zbekiston va dunyoning boshqa mamlakatlari tadbirkorlari manfaatlarini birlashtiruvchi ko‘prik vazifasini bajarishni o‘z zimmasiga olganligi sababli kompaniya xodimlari uchun mazkur timbilding loyihasini yaratish g‘oyasi paydo bo‘ldi. Biz o‘z ishbilarmonlarimizning manfaatlarini boshqa davlatlar ishbilarmonlari bilan ishonchli bog‘laydigan ayni o‘sha ko‘prikni qurdik. Bu jamoaviy “qurilish” jadal va quvnoq muhitda bo‘lib o‘tdi, ammo ayni paytda har bir xodim umumiy ish uchun o‘zlari qo‘shayotgan hissalarining muhimligini his qila oldi. Agar jamoada umumiy maqsadlar bo‘lsa, unda har qanday, hatto eng qiyin vazifa ham hal qilinadi!
“HM Partners” va ushbu kompaniyalar guruhidagi karyera imkoniyatlari haqida ko‘proq ma’lumot:
Telegram: t.me/vakansii_hmp
Facebook: facebook.com/hmpartners.uz
Reklama huquqi asosida.
Izoh (0)