Raqamli inklyuzivlik va barchaga aloqadan foydalanish imkoniyati
Huawei kompaniyasi o‘zining RuralStar Pro yechimini taqdim qildi. Ushbu yechim tayanch polosa, radio chastotalar (RF) va simsiz tranzit aloqa funksiyalarini bitta bazaviy stansiyada jamlab, maydonchani yo‘lga qo‘yishga ketadigan sarf-xarajatlarni sezilarli darajada qisqartiradi. RuralStar Pro aholisi 500 kishidan kam bo‘lgan chekka qishloqlar va aholi punktlariga ovozli va keng polosali mobil xizmatlarni taqdim qilishga imkoniyat yaratadi.
GSMA hisobotiga ko‘ra, jahon bo‘ylab 750 million kishi mobil aloqa bilan qoplanmagan hududlarda istiqomat qilmoqda, 3,5 milliard kishi esa Internetdan foydalanish imkoniyatiga ega emas. Bunday insonlarning aksariyati tarmoq va elektr energiyasi cheklangan, infratuzilmani yaratish katta mablag‘ talab etadigan chekka joylardagi aholi punktlarida yashaydi. Bunday yerlarda infratuzilmani yo‘lga qo‘yish uchun an’anaviy yechimlar sarflangan xarajatlarni qoplashiga 8-10 yil kerak bo‘ladi, shu bois aloqa operatorlari chekka tumanlarda tarmoqni ishga tushirishga u qadar shoshmaydi.
Raqamli tafovutni qisqartirish maqsadida Huawei kompaniyasi RuralStar Pro yechimini taqdim etdi. Bu fakt uning ilg‘or texnologik kashfiyotlar tarafdori ekanligini yana bir bor tasdiqlaydi. Yuqori integratsiya darajasiga ega mikrosxemalar tufayli, ushbu yechim chastotalarning asosiy polosasi, radiochastotali va simsiz tranzit aloqalarni bitta texnologiyaga jamlagan holda, maydonchaning infratuzilmaga bog‘liqligini kamaytiradi. RuralStar Pro faoliyati uchun butun obyektni quvvat bilan ta’minlaydigan atigi ikkita quyosh batareyasi talab etiladi, bu esa energiya sarfini qisqartiradi va butun bazaviy stansiya og‘irligini 550 kilogrammgacha yengillashtiradi. Shuning hisobiga muhandislik ishlarining ko‘lami kamayib, maydonchaning tez va oson yo‘lga qo‘yilishi ta’minlanadi.
Ushbu xususiyatlar tarmoq uskunasini soddalashtirish va infratuzilmaga oid xarajatlarni qisqartirishga yordam beradi, natijada RuralStar Pro yechimining narxi ham sezilarli miqdorda arzonlashadi. Operatorlar uchun investitsiyalarning o‘zini qoplash muddati (ROI) 3-5 yilga qisqaradi va 500 kishidan kamroq aholi yashaydigan qishloq joylarini keng polosali mobil aloqa xizmatlari bilan ta’minlash imkoniyati paydo bo‘ladi. RuralStar Pro – bu chekka yerlardagi aholi turmush tarzini yaxshilashga qo‘yilgan yana bir qadam, masofaviy ta’lim, telemedetsina, moliya boshqaruvi va boshqa raqamli ijtimoiy xizmatlarga eshik ochadigan texnologiyadir.
Qishloq joylaridagi tarmoqlarga oid past rentabellik sababli operatorlar va uskuna ta’minotchilari bu yo‘nalishga sarmoya kiritishga ehtiyotkorlik bilan yondashadilar. Shu bois Huawei tadqiqotlar va barcha foydalanishi mumkin bo‘lgan texnologiyalarni yaratish yo‘lida ilg‘or innovatsiyalarni ishlab chiqish uchun uzluksiz sarmoya kiritib, raqamli tafovutni yengish va raqamli inklyuzivlikni rivojlantirishga ko‘maklashib kelmoqda.
Huawei o‘zaro ulangan intellektual dunyoni yaratish yo‘lida jahondagi har bitta inson, uy va tashkilotni raqamli texnologiyalar bilan ta’minlashga intiladi. Qishloq tarmog‘i uchun mo‘ljallangan birinchi RuralStar yechimi 2017-yilda taqdim etilgan edi. Undagi texnik xususiyatlar tarmoqni yo‘lga qo‘yish bilan bog‘liq xarajatlarni 50 foizdan ko‘proq miqdorda qiskartiradi. RuralStar operatorlarga 1000 kishidan ko‘proq aholi istiqomat qiladigan chekka manzillarda xizmat ko‘rsatadigan qishloq tarmoqlaridan daromad olishga imkoniyat beradi. Butunjahon mobil kongressda 2019-yili Huawei energiya sarfini keskin kamaytiruvchi to‘rtta quyosh batareyasi bilan jihozlangan RuralStar Lite texnologiyasini namoyish qildi. Mazkur yechim barcha uskunalarni bitta tayanchda o‘rnatishga imkoniyat yaratib, qurilishda to‘sin yoki bo‘lmalarni ishlatishga hojat qoldirmaydi. Bunday afzalliklarni yig‘indisi esa maydoncha qurilishiga oid xarajatlarni ancha kamaytiradi. 500 kishidan 1000 kishigacha aholi yashaydigan qishloqlarda RuralStar Lite operatorlar uchun investitsiya sarfining qoplanishini 3-5 yilgacha qisqartiradi.
Huawei kompaniyasidan chekka joylar uchun uchta yechim: RuralStar, RuralStar Lite vaRuralStar Pro loyihalari bo‘yicha manfaatli tarmoqning yo‘lga qo‘yilishini ta’minlaydi. 2017-yilda ishga tushgan birinchi RuralStar yechimidan boshlab, ushbu texnologiyalar 50 dan ortiq mamlakatlarda qo‘llanilgan bo‘lib, jahon bo‘ylab 40 milliondan ziyod odamlarga xizmatlarni taqdim etib kelmoqda. Mana shunday mamlakatlardan biri O‘zbekiston hisoblanadi, 2018-yilda mahalliy aloqa operatori Mobiuz (o‘sha paytda “UMS”) bilan hamkorlikda Huawei RuralStar yechimini Surxondaryo viloyatida ishga tushirgan edi.
Reklama huquqi asosida.
Izoh (0)