IShID 2-fevralda Londonda uyushtirilgan qurolli hujumga aloqador ekanini ma’lum qildi

IShID terrorchilik tashkiloti Londonda yo‘lovchilarga uyushtirilgan hujumda ishtirok etganligini e’lon qildi. Bu haqda SITE Intelligence Group rahbari Rita Kats ma’lumot bergan.

IShID odamlarga hujum uyushtirgan Sudesh Ammanning tashkilot a’zosi bo‘lganini bildirgan.

Katsning aytishicha, IShIDning Amaq agentligi orqali qilgan bayonotida Amman uyushtirgan hujum ortida terrorchilik tashkiloti turgani ma’lum bo‘ldi.

2-fevralda qo‘liga pichoq ushlagan erkak London ko‘chalarida odamlarga hujum qilgan va uch nafar yo‘lovchini yaralagandi. Politsiya gumondorni otib tashlagan. Keyinchalik qurolli shaxsning 2018-yilda IShIDga aloqadorlikda ayblanib qamalgan, qamoqdan chiqqaniga bir hafta bo‘lgan Sudesh Amman ekani ma’lum bo‘ldi.

2019-yil noyabr oyida ham London markazida noma’lum erkak piyodalarga pichoq bilan hujum qilgan. Hujum oqibatida ikki nafar odamni voqea joyida vafot etgan, politsiyachilar qotilni otib o‘ldirgandi. Hujum qilgan erkak 7 yil avval terrorchilikda ayblanib qamalgan jinoyatchi 28 yoshli yoshli Usmon Xon “Al-Qoida” guruhi sobiq a’zosi bo‘lganligi xabar qilingandi.