ИШИД 2 февралда Лондонда уюштирилган қуролли ҳужумга алоқадор эканини маълум қилди

ИШИД террорчилик ташкилоти Лондонда йўловчиларга уюштирилган ҳужумда иштирок этганлигини эълон қилди. Бу ҳақда SITE Intelligence Group раҳбари Рита Катс маълумот берган.

ИШИД одамларга ҳужум уюштирган Судеш Амманнинг ташкилот аъзоси бўлганини билдирган.

Кацнинг айтишича, ИШИДнинг Амақ агентлиги орқали қилган баёнотида Амман уюштирган ҳужум ортида террорчилик ташкилоти тургани маълум бўлди.

2 февралда қўлига пичоқ ушлаган эркак Лондон кўчаларида одамларга ҳужум қилган ва уч нафар йўловчини яралаганди. Полиция гумондорни отиб ташлаган. Кейинчалик қуролли шахснинг 2018 йилда ИШИДга алоқадорликда айбланиб қамалган, қамоқдан чиққанига бир ҳафта бўлган Судеш Амман экани маълум бўлди.

2019 йил ноябрь ойида ҳам Лондон марказида номаълум эркак пиёдаларга пичоқ билан ҳужум қилган. Ҳужум оқибатида икки нафар одамни воқеа жойида вафот этган, полициячилар қотилни отиб ўлдирганди. Ҳужум қилган эркак 7 йил аввал террорчиликда айбланиб қамалган жиноятчи 28 ёшли ёшли Усмон Хон «Ал-Қоида» гуруҳи собиқ аъзоси бўлганлиги хабар қилинганди.