Qo‘pol munosabatda bo‘lgan mansabdorlar uchun jazo choralari oddiy fuqarolarga nisbatan qattiqroq bo‘lishi kerak. Bu haqda Rossiya prezidenti Vladimir Putin ma’lum qildi, deya xabar beradi “Kommersant”.
Oldinroq Putin fuqarolarni haqoratlaganlik uchun javobgarlikni kuchaytirish bo‘yicha ko‘rsatma bergandi.
“Qo‘pol munosabatda bo‘lgan, shu bilan birga, qandaydir lavozimlarni egallab turgan shaxslarga nisbatan choralarni kuchaytirish lozim. Qonun oldida barcha teng. Amaldagi qonunchilik mavqeyini suiiste’mol qilgan mansabdorlarni hokimiyat va boshqaruv organlaridan quvish uchun barcha imkoniyatlarni beradi”, — dedi Rossiya prezidenti.
Ma’lumot uchun, Putin oldinroq blogerlarga tahdid qilgan va o‘t o‘chiruvchini mashina kalitini olish uchun sakrashga majbur qilgan Chuvashiston rahbarini “ishonchni yo‘qotgani uchun” lavozimidan ozod qilgandi.
Izoh (0)