Guardian iqlim bilan bog‘liq favqulodda holat tufayli neft kompaniyalarini reklama qilishdan bosh tortdi

Guardian Media Group yoqilg‘i qazib chiqaruvchi kompaniyalarni reklama qilishdan voz kechishga qaror qildi, deya xabar beradi Meduza The Guardian nashriga asoslanib.

Endilikda mediaxoldingning barcha nashrlari, ya’ni The Guardian, Observer va Guardian Weekly’da neft va gaz kompaniyalari materiallari chop etilmaydi.

Ushbu qaror iqlim bilan bog‘liq favqulodda holat tufayli qabul qilingani aytilmoqda.

Jurnalistlarning ekologlar fikrini keltirishicha, energetika korporatsiyalari haqqoniy bo‘lmagan ekologik marketingga katta mablag‘ sarflaydi.

Ular qayta tiklanuvchi energetika manbalariga nisbatan kam investitsiya kiritilayotganini ta’kidlab, neft va gazdan daromad olishda davom etmoqda.

Guardian Media Group daromadining 40 foizi reklama ortidan keladi. Shuning uchun neft-gaz sohasidagi reklamalardan voz kechish kelgusida kompaniya moliyaviy ahvoliga zarar keltirishi aytilmoqda.