Liviyadagi vaziyat yomonlashishda davom etmoqda, harbiy harakatlarning boshlanish xavfi kuchaymoqda, dedi Liviyadagi BMT bosh kotibining maxsus vakili, Liviyani qo‘llab-quvvatlash bo‘yicha BMT missiyasining rahbari Hasan Salame. “Kommersant”ning xabar berishicha, u mamlakatga ommaviy ravishda boshqa davlatlar jangarilari kirib kelayotganini aytgan.
“Liviyada yomon, tartibsiz vaziyat rivojlandi va u kundan kunga yomonlashmoqda. Liviyaga turli huquqiy maqomga ega bo‘lgan liviyalik bo‘lmagan jangarilar ommaviy ravishda kelishi kuzatilmoqda, bu esa keskinlikni oshirib, inqirozga uchragan ushbu mamlakatda harbiy harakatlarning kelgusida ham rivojlanish ehtimolini oshiradi”, — deydi Hasan Salame missiya yig‘ilishida.
BMT bosh kotibining maxsus vakili, shuningdek, Liviyadagi mojaro tomonlari harbiy yordam, ya’ni jangarilar, qurollar va maslahatchilarni olishda davom etayotganini ma’lum qilgan.
Eslatib o‘tamiz, mamlakatda nizoning yanada keskinlashuviga Milliy kelishuv hukumatining Xalifa Xaftar boshchiligidagi Liviya milliy armiyasiga qarshi kurashda harbiy yordam uchun Turkiyaga murojaat qilish qarori sabab bo‘lgan edi.
Izoh (0)