Ливиядаги вазият ёмонлашишда давом этмоқда, ҳарбий ҳаракатларнинг бошланиш хавфи кучаймоқда, деди Ливиядаги БМТ бош котибининг махсус вакили, Ливияни қўллаб-қувватлаш бўйича БМТ миссиясининг раҳбари Ҳасан Саламе. «Коммерсантъ»нинг хабар беришича, у мамлакатга оммавий равишда бошқа давлатлар жангарилари кириб келаётганини айтган.
«Ливияда ёмон, тартибсиз вазият ривожланди ва у кундан кунга ёмонлашмоқда. Ливияга турли ҳуқуқий мақомга эга бўлган ливиялик бўлмаган жангарилар оммавий равишда келиши кузатилмоқда, бу эса кескинликни ошириб, инқирозга учраган ушбу мамлакатда ҳарбий ҳаракатларнинг келгусида ҳам ривожланиш эҳтимолини оширади», — дейди Ҳасан Саламе миссия йиғилишида.
БМТ бош котибининг махсус вакили, шунингдек, Ливиядаги можаро томонлари ҳарбий ёрдам, яъни жангарилар, қуроллар ва маслаҳатчиларни олишда давом этаётганини маълум қилган.
Эслатиб ўтамиз, мамлакатда низонинг янада кескинлашувига Миллий келишув ҳукуматининг Халифа Хафтар бошчилигидаги Ливия миллий армиясига қарши курашда ҳарбий ёрдам учун Туркияга мурожаат қилиш қарори сабаб бўлган эди.
Изоҳ (0)