O‘zbekiston Prezidenti “Ba’zi davlat organlarining faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” gi qonunni imzoladi.
Hujjat 25-dekabr kuni “Xalq so‘zi” nashrida e’lon qilindi va shu kundan boshlab kuchga kirdi.
O‘zbekiston Respublikasining 1992-yil 9-dekabrda qabul qilingan “Prokuratura to‘g‘risida”gi qonunning 49-moddasi (prokuratura organlari xodimining daxlsizligi) yuqori turuvchi prokuror prokuratura xodimining ma’muriy huquqbuzarliklar uchun javobgarligi masalasini hal qilishi to‘g‘risidagi band chiqarib tashlandi.
“Davlat xavfsizligi xizmati to‘g‘risida” gi qonunning 37-moddasi (DXX harbiy xizmatchilarining daxlsizlik kafolatlari) dan DXX harbiy xizmatchilarini faqat DXX raisi, Qoraqalpog'iston Respublikasi, viloyatlar va Toshkent shahar boshqarmalari boshliqlarining roziligi bilan ma’muriy javobgarlikka tortishga ruxsat beruvchi norma chiqarib tashlandi.
Eslatib o‘tamiz, senatorlar 14-dekabrda bo‘lib o‘tgan yalpi majlisda qonun loyihasini ma’qullab, bu o‘zgarishlar prokuratura va DXX xodimlarining mas’uliyatini oshirishga qaratilganligini ta’kidladi.
Izoh (0)