Shahrisabzda tovuqxona egasi tabiiy gaz va elektr energiyasidan noqonuniy foydalanib, davlatga 13 milliondan ortiq zarar keltirdi. Bu haqda “Daryo”ga MIB Qashqadaryo viloyat boshqarmasi axborot xizmati rahbari Gulnoza Dilmurodova xabar bermoqda.
Gulnoza Dilmurodovaga ko‘ra mazkur holat MIB Shahrisabz shahar bo‘limi tomonidan elektr energiyasi, tabiiy gaz va ichimlik suvi tarmoqlariga noqonuniy ulanishlarning oldini olish va ularni talon-toroj qilinishiga yo‘l qo‘ymaslik maqsadida o‘tkazilgan navbatdagi tezkor tadbir paytida fosh etilgan.
— “Tutzor” MFYda yashovchi fuqaro O.R.ga qarashli tovuqxonani navbatdan tashqari ko‘rikdan o‘tkazish vaqtida tovuqxonada nafaqat tabiiy gaz, balki elektr energiyasidan ham hisoblagichdan tashqari ko‘z ilg‘ab bo‘lmas darajada noqonuniy ravishda ulab olib, foydalanib kelinayotganligi aniqlandi, — deydi Gulnoza Dilmurodova.
Holat yuzasidan byuroning shahar bo‘limi inspektorlari tomonidan dalolatnoma rasmiylashtirilgan.Oxirgi hisob-kitoblarga ko‘ra tovuqxona davlatga tabiiy gazdan 4 million 596 ming 480 so‘m, elektr energiyasidan 8 million 580 ming 960 so‘m, jami 13 million 177 ming 440 so‘m zarar yetkazganligi aniqlandi.
Izoh (0)