Ўзбекистон Президенти «Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» ги қонунни имзолади.
Ҳужжат 25 декабрь куни «Халқ сўзи» нашрида эълон қилинди ва шу кундан бошлаб кучга кирди.
Ўзбекистон Республикасининг 1992 йил 9 декабрда қабул қилинган «Прокуратура тўғрисида»ги қонуннинг 49-моддаси (прокуратура органлари ходимининг дахлсизлиги) юқори турувчи прокурор прокуратура ходимининг маъмурий ҳуқуқбузарликлар учун жавобгарлиги масаласини ҳал қилиши тўғрисидаги банд чиқариб ташланди.
«Давлат хавфсизлиги хизмати тўғрисида» ги қонуннинг 37-моддаси (ДХХ ҳарбий хизматчиларининг дахлсизлик кафолатлари) дан ДХХ ҳарбий хизматчиларини фақат ДХХ раиси, Қорақалпоғистон Республикаси, вилоятлар ва Тошкент шаҳар бошқармалари бошлиқларининг розилиги билан маъмурий жавобгарликка тортишга рухсат берувчи норма чиқариб ташланди.
Эслатиб ўтамиз, сенаторлар 14 декабрда бўлиб ўтган ялпи мажлисда қонун лойиҳасини маъқуллаб, бу ўзгаришлар прокуратура ва ДХХ ходимларининг масъулиятини оширишга қаратилганлигини таъкидлади.
Изоҳ (0)