Davlat xavfsizlik xizmati (DXX) tomonidan giyohvandlik vositalari va psixotrop moddalar noqonuniy aylanmasiga qarshi kurash bo‘yicha tadbirlar faol davom ettirilmoqda.
Xususan, DXXning Sirdaryo viloyati boshqarmasi xodimlari tomonidan viloyat IIB bilan hamkorlikda o‘tkazilgan tezkor tadbir natijasida ko‘p miqdordagi “Tramadol” dori vositasining noqonuniy savdosiga chek qo‘yilgan.
Qo‘qon shahrida yashovchi to‘rt fuqaro — P.R., P.X., M.D. va F.O. Qirg‘izistondan kontrabanda yo‘li bilan olib kirilgan 19 ming dona “Tramadol” tabletkasini Sirdaryo viloyatiga olib borgan.
“Ular dori vositalarini Sayxunobod tumani ‘O‘rikzor’ mahallasida xaridorga 8 ming dollarga sotayotgan vaqtida ushlandi”, — deya ma’lum qildi “Daryo”ning xafvsizlik tizimidagi manbasi.
Mavzuga doir: “Tramadol”ni Qozog‘istondan O‘zbekistonga dron orqali o‘tkazishga urinish holati qayd etildi
2018-yil 22-oktabrida esa giyohvandlik vositalarining analoglari — yuqorida ko‘rsatilgan ro‘yxatlarda rasman mavjud bo‘lmagan, biroq inson ruhiyatiga shunga o‘xshash ta’sir ko‘rsatuvchi moddalarning noqonuniy muomalasi uchun jinoiy javobgarlik joriy etilgan edi.
Izoh (0)