Qo‘riqchilar 9-dekabr, dushanba kuni o‘g‘rilikda ayblangan o‘zbekistonlik Shavkat Sultonovni koloniyagacha yetkazib olib kela olmadi. U sud majlisidan keyin boshqa jazoni o‘tash muassasasiga olib ketilayotgan vaqtda qochishga muvaffaq bo‘lgan, deb yozmoqda “Fontanka.ru”.
Xabarga ko‘ra, Sultonov soat 15:30 dan keyin Bobruy ko‘chasidagi bino yaqinida mashinaga chiqarilayotgan vaqtida “quyon bo‘lgan”. Kalinin tuman sudi saytidagi Sultonovning kartochkasida sud uni boshqa qamoqxonaga o‘tkazish haqida qaror chiqargani qayd etilgan. Turar-joyli koloniyada u o‘zini yaxshi tutmagan va shu sababli sud mahbusni umumiy tartibdagi koloniyaga o‘tkazish haqida qaror chiqargan.
Sud binosi yaqinida tushirilgan videoyozuvda Sultonovning turniketlardan odatiy odamlardek kishansiz qo‘lida papka ko‘targan holda o‘tayotgani va unga bir nafar qamoqxona noziri hamrohlik qilgani anglashildi.
Mavzuga doir:
Sultonov sud qaroriga ko‘ra 2018-yil sentabrda qamoqqa olingan. U uchta o‘g‘rilikka iqror bo‘lgan, jumladan, telefon, planshet va birovning hamyonini olganini bildirgan. Ushbu iqrordan keyin ayblanuvchi sud qaroriga ko‘ra 4 yil muddatga ozodlikdan mahrum etilgan. Izolyatordagi vaqtga ko‘ra u 2022-yilda ozodlikka chiqishi mumkin edi.
Peterburg va Lenoblast shahar ichki ishlar bosh boshqarmalari ma’lumotiga ko‘ra, qochoq haqidagi ma’lumotlar Rossiya hududi bo‘ylab tarqatilgan. Politsiya jinoyatchini topish va ushlash uchun harakatlarni boshlab yuborgan.
Izoh (0)