Қўриқчилар 9 декабрь, душанба куни ўғриликда айбланган ўзбекистонлик Шавкат Султоновни колониягача етказиб олиб кела олмади. У суд мажлисидан кейин бошқа жазони ўташ муассасасига олиб кетилаётган вақтда қочишга муваффақ бўлган, деб ёзмоқда «Fontanka.ru».
Хабарга кўра, Султонов соат 15:30 дан кейин Бобруй кўчасидаги бино яқинида машинага чиқарилаётган вақтида «қуён бўлган». Калинин туман суди сайтидаги Султоновнинг карточкасида суд уни бошқа қамоқхонага ўтказиш ҳақида қарор чиқаргани қайд этилган. Турар-жойли колонияда у ўзини яхши тутмаган ва шу сабабли суд маҳбусни умумий тартибдаги колонияга ўтказиш ҳақида қарор чиқарган.
Суд биноси яқинида туширилган видеоёзувда Султоновнинг турникетлардан одатий одамлардек кишансиз қўлида папка кўтарган ҳолда ўтаётгани ва унга бир нафар қамоқхона нозири ҳамроҳлик қилгани англашилди.
Мавзуга доир:
Султонов суд қарорига кўра 2018 йил сентябрда қамоққа олинган. У учта ўғриликка иқрор бўлган, жумладан, телефон, планшет ва бировнинг ҳамёнини олганини билдирган. Ушбу иқрордан кейин айбланувчи суд қарорига кўра 4 йил муддатга озодликдан маҳрум этилган. Изолятордаги вақтга кўра у 2022 йилда озодликка чиқиши мумкин эди.
Петербург ва Ленобласт шаҳар ички ишлар бош бошқармалари маълумотига кўра, қочоқ ҳақидаги маълумотлар Россия ҳудуди бўйлаб тарқатилган. Полиция жиноятчини топиш ва ушлаш учун ҳаракатларни бошлаб юборган.
Изоҳ (0)