O‘zbekiston Senatining 30-noyabr kuni ochilgan 24-yalpi majlisida aholini gaz va elektr bilan ta’minlashdai muammolar yuzasidan hukumatga parlament so‘rovi yuborish rejalashtirilgan.
Senat yalpi majlisi davomida 10 ta qonun loyihasi bilan birgalikda yana yetti masala muhokamaga qo‘yilgan. Ularning ikkitasi hududlar chegarasini o‘zgartirish, uchtasi esa ayrim dolzarb masalalar yuzasidan Vazirlar Mahkamasiga parlament so‘rovlari yuborish bilan bog‘liq.
Muhokamaga qo‘yilgan masalalar ro‘yxati bilan quyida tanishish mumkin:- O‘zbekiston Davlat byudjetining 2019-yilgi xarajatlariga o‘zgartish kiritish to‘g‘risida;
- Vazirlar Mahkamasining “Faol investitsiyalar va ijtimoiy rivojlanish yili” Davlat dasturining 2019-yil uchinchi choragidagi ijrosi yuzasidan hisoboti to‘g‘risida;
- Samarqand viloyatining Samarqand shahri va Samarqand tumani chegaralarini o‘zgartirish to‘g‘risida;
- Surxondaryo viloyati tarkibida Bandixon tumanini tashkil etish hamda Qiziriq, Boysun va Qumqo‘rg‘on tumanlari chegaralarini o‘zgartirish to‘g‘risida;
- Davlat bojxona xizmati organlari tomonidan qonun hujjatlarining ijro etilishi holati va Toshkent viloyatidagi chegara bojxona postlari faoliyatini o‘rganish natijasi yuzasidan Vazirlar Mahkamasiga parlament so‘rovi yuborish to‘g‘risida;
- Arzon uylar‑joylar qurish jarayonidagi muammolar yuzasidan Vazirlar Mahkamasiga parlament so‘rovi yuborish to‘g‘risida;
- Aholini tabiiy gaz va elektr energiyasi bilan ta’minlash jarayonidagi muammolar to‘g‘risida Vazirlar Mahkamasiga parlament so‘rovi yuborish haqida;
- O‘zbekiston Oliy sudi tarkibiga o‘zgartirishlar kiritish to‘g‘risida.
Izoh (0)