Qibray va Bo‘kaning ayrim hududlari gaz ta’minotidan vaqtincha uziladi

Toshkent viloyatining ba’zi hududlarida ta’mirlash ishlari sababli gaz ta’minoti vaqtincha to‘xtatiladi, deya xabar bermoqda “Hududgazta’minot” kompaniyasi.

30-noyabr kuni

• Qibray tumani “Bog‘ishamol” mahalla fuqarolar yig‘ini (MFY) hududidagi Farovon ko‘chasida tabiiy gaz sarfi monitoring qilinishi sababli, hududda olovli ishlar olib borilishi munosabati bilan, “Bog‘ishamol” MFYning jami 906 gaz iste’molchilariga soat 9:30 dan 16:30 ga qadar,
• Bo‘ka tumani aholisiga bir me’yorda gaz taqsimlash maqsadida, gaz tarmoqlarini halqalash ishlari olib borilishi munosabati bilan tumanning “Madaniyat” va “Bunyodkor” MFYda joylashgan jami 402 ta xonadonga soat 10:00 dan 15:00 ga qadar tabiiy gaz ta’minoti vaqtincha to‘xtatiladi.