“Qizilqum” halqa avtomobil yo‘lining “Qoraqarg‘a” dovonida 28-noyabr, payshanba kuni “Qoraqarg‘a” dovonida favqulodda vaziyatlarni bartaraf etishda FVDQT xizmatlari kuch va vositalarining hamkorlikdagi harakatlari” mavzusida maxsus-taktik o‘quv mashqi o‘tkazildi. Bu haqda “Daryo”ga Navoiy viloyati FVB matbuot xizmati ma’lum qildi.
Maxsus-taktik o‘quv mashqining maqsadi etib tog‘ dovonida qishki mavsumda harakat xavfsizligini ta’minlashda doimiy tayyorgarlikdagi xizmatlarning amaliy harakatlarini tekshirish va muvofiqlashtirish, avtoulovlar qatnovi uzluksizligini ta’minlash uchun amalga oshiriladigan tadbirlar samaradorligini oshirish hamda qor va harakatlanishga ta’sir etuvchi boshqa omillarni bartaraf etish chora-tadbirlarini ishlab chiqish va amalda qo‘llash belgilandi.
Maxsus-taktik o‘quv mashqi tog‘ dovonida harakat xavfsizligini va favqulodda vaziyatlardan muhofaza qilish bo‘yicha doimiy tayyorgarlikdagi xizmatlar shaxsiy tarkib va texnikalarining saf ko‘rigi, sodir bo‘lgan favqulodda vaziyatlarni bartaraf etishda avariya qutqaruv, jabrlanganlarga birinchi tibbiy yordam ko‘rsatish kabi bosqichlarda o‘tkazildi.
O‘quv mashqlariga tegishli viloyat tashkilotlari va xizmatlaridan 32 ta maxsus texnika hamda 116 nafar xodim jalb etildi.
Izoh (0)