Buxoroda 29-noyabr, juma kuni uch kishining o‘limiga olib kelgan Nexia va avtobus ishtirokidagi YTHga nima sabab bo‘lgani aniqlandi.
IIV YHXBB matbuot xizmatining “Daryo”ga ma’lum qilishicha, voqea taxminan soat 07:15 larda sodir bo‘lgan. Andijon shahrida yashagan 22 yoshli haydovchi X.S. Nexia-2 mashinasini “Toshkent—Xorazm” A-380 yo‘lining 305 kilometrida haydab ketayotganida rulda uxlab qolishi oqibatida, qarshisidan Buxoro shahrida yashovchi 33 yoshli haydovchi X.M. boshqarib ketayotgan Higer rusumli avtobus yo‘liga chiqib, to‘qnashgan.
Mavzuga doir: Buxoroda Nexia avtobusga urilishi oqibatida 3 kishi halok bo‘ldi. Mashinaning o‘zi temir-tersakka aylandi
Mazkur holat yuzasidan Buxoro viloyati IIB huzuridagi Tergov boshqarmasi tomonidan Jinoyat kodeksining 266-moddasi 3-qismi “a” bandi (Odamlar o‘limiga olib kelgan, transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
IIV Yo‘l harakati xavfsizligi bosh boshqarmasi haydovchilardan kuchli toliqish holatida transport vositalarini boshqarmaslikni so‘ragan holda bunday holatda harakatlanish haydovchi va yo‘l harakatining boshqa ishtirokchilari xavfsizligiga tahdid solishi haqida ogohlantirmoqda.
Izoh (0)