Kamola Sobirova O‘zbekiston Xotin-qizlar qo‘mitasi raisining matbuot kotibi — axborot siyosati masalalari bo‘yicha maslahatchisi lavozimiga tayinlandi. Bu haqda qo‘mita matbuot xizmati xabar berdi.
Kamola Sobirova 1983-yil 13-iyunda Toshkent shahrida tug‘ilgan.
Faoliyatini 2001-yili O‘zbekiston milliy teleradiokompaniyasining “Yoshlar” kanalida tarjimonlikdan boshlab, Agakhan Trust Culture, UzDEU Bank, Italian Food Technology, GIZ kabi xalqaro tashkilotlarda turli vazifalarda davom ettirgan.
Oilali. 4 nafar farzandi bor.
“Kamola Sobirova mamlakatning ziyoli sulola vakilasi. U o‘zbek she’riyati taraqqiyotiga ulkan hissa qo‘shgan ulug‘ shoirimiz Shavkat Rahmonning farzandi”, — deyiladi xabarda.
“O‘zbekiston Xotin-qizlar qo‘mitasi tashkilotning asosiy kuchiga aylana oladigan, milliy qadriyatlar va kreativlikni o‘zida mujassamlashtirgan, zamonaviy bilimlarga ega, yurtimiz xotin-qizlarining xalqaro ayollar harakatida munosib o‘rin egallashiga hissa qo‘sha oladigan yosh kadrlarni qo‘llab-quvvatlash pozitsiyasida ustuvordir.
O‘tgan 5 oyda O‘zbekiston Xotin-qizlar qo‘mitasi tizimining axborot sohasida erishilgan shaffoflik, jamoatchilikka ma’qul bo‘lgan ba’zi informatsion taqdimotlar qo‘mitaning jamoaviy mehnatlari mahsuli bo‘ldi.
Qo‘mita tizimning axborot sohasini isloh qilish va yangi bosqichga ko‘tarishda bardavomdir”, — deyiladi xabarda.
Izoh (0)