«Қизилқум» ҳалқа автомобиль йўлининг «Қорақарға» довонида 28 ноябрь, пайшанба куни «Қорақарға» довонида фавқулодда вазиятларни бартараф этишда ФВДҚТ хизматлари куч ва воситаларининг ҳамкорликдаги ҳаракатлари» мавзусида махсус-тактик ўқув машқи ўтказилди. Бу ҳақда «Дарё»га Навоий вилояти ФВБ матбуот хизмати маълум қилди.
Махсус-тактик ўқув машқининг мақсади этиб тоғ довонида қишки мавсумда ҳаракат хавфсизлигини таъминлашда доимий тайёргарликдаги хизматларнинг амалий ҳаракатларини текшириш ва мувофиқлаштириш, автоуловлар қатнови узлуксизлигини таъминлаш учун амалга ошириладиган тадбирлар самарадорлигини ошириш ҳамда қор ва ҳаракатланишга таъсир этувчи бошқа омилларни бартараф этиш чора-тадбирларини ишлаб чиқиш ва амалда қўллаш белгиланди.
Махсус-тактик ўқув машқи тоғ довонида ҳаракат хавфсизлигини ва фавқулодда вазиятлардан муҳофаза қилиш бўйича доимий тайёргарликдаги хизматлар шахсий таркиб ва техникаларининг саф кўриги, содир бўлган фавқулодда вазиятларни бартараф этишда авария қутқарув, жабрланганларга биринчи тиббий ёрдам кўрсатиш каби босқичларда ўтказилди.
Ўқув машқларига тегишли вилоят ташкилотлари ва хизматларидан 32 та махсус техника ҳамда 116 нафар ходим жалб этилди.
Изоҳ (0)