Zimbabvening Xvange shaharchasida 11 yoshli qizcha dugonasini timsoh hujumidan qutqarib qoldi. Maxluq uni suv ostiga tortib ketishga uringan. Bu haqda Bulawayo 24 xabar berdi.
Timsoh qizlar daryoda cho‘milayotgan vaqtda to‘satdan hujum qilgan. Maxluq to‘qqiz yoshli Latoya Muvanining oyog‘idan tishlab suv ostiga tortib ketishga uringan. Qizaloq baqirishni boshlagach, o‘zidan yoshi kattaroq dugonasi yordam qilgan.
Rebekka Munkombve suvga sakrab tushgan dugonasi va timsoh o‘rtasida olishuv ketayotgan joyga suzib borgan. Qiz timsohning bel qismiga chiqib olib bor kuchi bilan uni ura boshlagan, barmoqlarini vaxshiyning ko‘zlariga tiqishga uringan. Timsoh hujumlar natijasida og‘zini ochgan va o‘ljani qo‘yib yuborib suv ostiga ravona bo‘lgan.
Mavzuga doir: Amerikalik yigit suv ostida sevgilisiga turmush qurishni taklif qildi va cho‘kib ketdi (video)
Mavzuga doir: Rossiyada ayiq tomosha vaqtida hayvon o‘rgatuvchiga hujum qildi. Endi ushbu nomer sirk dasturidan olib tashlanadi (video)
Izoh (0)