Hindistonda kollej o‘quvchilari boshlariga karton qutilar (“korobka”) kiyib imtihon topshirgani ma’lum bo‘ldi. Talabalarning bilimi bunday holatda sinovdan o‘tkazilgani mamlakatda katta shov-shuv ko‘tardi. Bu haqda Times of India xabar berdi.
Xabarda yozilishicha, suratlar Karnataka shtatining Xaveri shahri Bxagat tayyorlov kollejining kimyo fanidan imtihonlari vaqtda olingan. Ularda o‘quvchilarning partalarda atrofdagilardan ko‘chirmaslik uchun boshlariga “korobka” kiygan holda savollarga yozma javob berayotganligini ko‘rish mumkin.
Kollej direktori viloyat rahbariyatida ushbu hodisa uchun kechirim so‘ragan. U ushbu metodning boshqa maktablarda ham foydalanilganini eshitib “eksperimental maqsad”da o‘z muassasida sinovdan o‘tkazganligini bildirgan.
Shuningdek kollej rahbari bunday usulda imtihon topshirishga o‘quvchilarning o‘zlari rozilik bergani va karton qutilarni o‘zlari topib kollejga olib kelganliklarini ma’lum qilgan.
Maorif bo‘yicha mahalliy hukumat vakillari ushbu voqea yuzasidan kollejga kelgani va rahbariyatga ogohlantirish jazosini tayinlagani xabar qilinmoqda.
Izoh (0)