Yaponiyaning Osaka shahrida Tourism EXPO Japan 2019 ko‘rgazmasiga start berildi, deb xabar berdi Turizmni rivojlantirish davlat qo‘mitasi matbuot xizmati. Unda O‘zbekistonning Yaponiyadagi vakolatxonasi hamkorligida mamlakatning milliy stendi namoyish etilmoqda.
O‘zbekiston stendida vakillar ko‘rgazma mehmonlariga O‘zbekistonning sayyohlik salohiyati va respublikada turizmning rivojlanayotgan turlari haqida batafsil ma’lumot bermoqda. Bundan tashqari, ko‘rgazma mehmonlari tarqatma materiallar, jumladan, jurnallar, bukletlar, qo‘llanmalar va mamlakatning sayyohlik xaritasi orqali O‘zbekistonning sayyohlik imkoniyatlari bilan tanishtirilmoqda.
Shuningdek, Samarqand, Buxoro, Xiva, Toshkent, Shahrisabz va Termizning diqqatga sazovor joylari to‘g‘risidagi videoroliklar namoyish etilmoqda.
Ma’lumot uchun, Tourism EXPO Japan yilning turizm sohasidagi eng yirik tadbirlaridan biri bo‘lib, unda dunyoning 130 mamlakatidan 200 mingdan ortiq turistik biznes vakillari va havaskorlar qatnashmoqda. Ko‘rgazma 27-oktabrga qadar davom etadi.
Izoh (0)