Япониянинг Осака шаҳрида Tourism EXPO Japan 2019 кўргазмасига старт берилди, деб хабар берди Туризмни ривожлантириш давлат қўмитаси матбуот хизмати. Унда Ўзбекистоннинг Япониядаги ваколатхонаси ҳамкорлигида мамлакатнинг миллий стенди намойиш этилмоқда.
Ўзбекистон стендида вакиллар кўргазма меҳмонларига Ўзбекистоннинг сайёҳлик салоҳияти ва республикада туризмнинг ривожланаётган турлари ҳақида батафсил маълумот бермоқда. Бундан ташқари, кўргазма меҳмонлари тарқатма материаллар, жумладан, журналлар, буклетлар, қўлланмалар ва мамлакатнинг сайёҳлик харитаси орқали Ўзбекистоннинг сайёҳлик имкониятлари билан таништирилмоқда.
Шунингдек, Самарқанд, Бухоро, Хива, Тошкент, Шаҳрисабз ва Термизнинг диққатга сазовор жойлари тўғрисидаги видеороликлар намойиш этилмоқда.
Маълумот учун, Tourism EXPO Japan йилнинг туризм соҳасидаги энг йирик тадбирларидан бири бўлиб, унда дунёнинг 130 мамлакатидан 200 мингдан ортиқ туристик бизнес вакиллари ва ҳаваскорлар қатнашмоқда. Кўргазма 27 октябрга қадар давом этади.
Изоҳ (0)