O‘zbekistonda yangi kodeks ishlab chiqilishi haqida “Mamlakatimizda ijtimoiy-iqtisodiy sohadagi islohotlar ustidan jamoatchilik nazorati samaradorligini, shuningdek, fuqarolarning demokratik o‘zgartirishlardagi faolligini oshirishga oid qo‘shimcha chora-tadbirlar to‘g‘risida”gi Prezident qarorida ko‘zda tutilgan.
Qarorga muvofiq, Nodavlat notijorat tashkilotlari to‘g‘risidagi kodeks loyihasini tayyorlash bo‘yicha ishchi guruh tuziladi.
Ishchi guruh 2020-yilning 1-fevraliga qadar manfaatdor vazirliklar va idoralar bilan kelishilgan O‘zbekiston Respublikasi Nodavlat notijorat tashkilotlari to‘g‘risidagi kodeksi loyihasini belgilangan tartibda Vazirlar Mahkamasiga kiritadi.
Shuningdek, qarorga ko‘ra, 2020-yil 1-yanvardan boshlab:
- respublika, viloyatlararo NNTlarni davlat ro‘yxatidan o‘tkazish uchun undiriladigan davlat boji stavkalari BHMning 4 baravaridan 3 baravarigacha;
- viloyat NNTlari uchun — BHMning 2 baravaridan 1 baravarigacha pasaytiriladi.
Izoh (0)