O‘zbekiston tashqi ishlar vaziri Abdulaziz Komilov 24-sentabr, seshanba kuni Nyu-Yorkda Yevropada Xavfsizlik va hamkorlik tashkiloti bosh kotibi Tomas Greminger bilan uchrashdi. Tashqi ishlar vazirligi matbuot xizmatining ma’lum qilishicha, suhbat chog‘ida ikki tomonlama aloqalarni yanada chuqurlashtirish va kengaytirishga sodiqlik tasdiqlangan.
“YeXHT bosh kotibi so‘z erkinligini ta’minlash bo‘yicha O‘zbekistonda ko‘rilayotgan choralarni yuqori baholadi”, — deyiladi TIV axborotida.
Tomas Greminger dekabr oyidagi bo‘lajak parlament saylovini xalqaro demokratik standartlarga to‘liq mos ravishda shaffoflikni ta’minlagan holda va adolatli o‘tkazish bo‘yicha O‘zbekiston rahbariyatining sa’y-harakatlarini olqishlagan.
YeXHT bosh kotibi Demokratik institutlar va inson huquqlari bo‘yicha byuro mamlakatga xalqaro kuzatuvchilar sifatida birinchi marta to‘laqonli delegatsiyani jo‘natishga tayyor ekanligini bildirgan. “Uchrashuvda O‘zbekiston va YeXHT o‘rtasidagi munosabatlarni mustahkamlash bilan bog‘liq boshqa masalalar ham ko‘rib chiqildi”, — deya qo‘shimcha qilingan axborotda.
Izoh (0)