25-sentabr, chorshanba kuni soat 14:08 da “Qavola” MFYda joylashgan “Zar mebel” oilaviy korxonasiga qarashli mebel ishlab chiqarish sexida yong‘in sodir bo‘layotganligi haqida Samarqand shahar yong‘in-qutqaruv xizmatiga xabar kelib tushgan, deb yozadi FVV YoXBB OAV bilan hamkorlik qilish bo‘linmasi.
Xabar asosida yong‘inni bartaraf etilishiga to‘rtta yong‘in o‘chirish bo‘linmasi jalb etilgan. Birinchi bo‘linma voqea joyiga 12 daqiqada yetib borganda, “Zar mebel” OKga qarashli mebel ishlab chiqarish sexining ichki qismi quyuq qora tutun bilan qoplangan holda ochiq alanga bilan yonayotganligi ma’lum bo‘lgan. Yong‘in soat 14:45 da o‘rab olinib, 16:10 da bartaraf etilgan. Tan jarohati olganlar va halok bo‘lganlar qayd etilmagan.
Yong‘in oqibatida ishlab chiqarish sexining 95 kvadrat metr maydonda tomi, ichki qismi, jihozlari va tayyor mahsulotlari yonib zararlangan. Yong‘inning taxminiy sababi ishlab chiqarishda texnologik reglamentning buzilishi, deb baholanmoqda. Moddiy zarar miqdori aniqlanmoqda.
Izoh (0)