Boston Dynamics kompaniyasi tashqi ko‘rinishi odamni eslatib yuboruvchi Atlas roboti gimnastika mashqlarini bajara olishini namoyish qildi. Kompaniya Atlas’ning harakatlari videosini taqdim etdi. Bu haqda “Hi-Tech Mail.Ru” xabar qildi.
Videoda Atlas bir nechta sodda mashqlarni bajaradi: qo‘llarga tayanib teskari turadi, umbaloq oshadi va oyoqlarini turli tomonga qaratgan holda 360 gradus aylana bilan sakraydi. Robot ushbu mashqlarning barchasini ketma-ketlikda bajaradi.
Boston Dynamics video ostidagi robot mashqlari tavsifida Atlas’ning bir harakatdan ikkinchi elementga o‘tishida bashorat qiluvchi kontrollerdan foydalanigani ushbu qurilma yordamida robot o‘z harakatlarini kuzatishi mumkinligi qayd etilgan.
Muhandislarning so‘zlariga ko‘ra, harakatlarning yangi algoritmi avvalgilariga nisbatan 80 foizga samaraliroq ishlamoqda. Ammo ular Atlas’ning harakatlarida ma’lum xatolar kuzatilayotganini ham inkor qilmadi.
Avval Atlas nisbatan oson mashqlarni o‘rgangandi. O‘tgan yili ishlab chiqaruvchilar robotning ko‘chada erkin yugurib yurgani va parkurni (baland joylarga osonlik bilan sakrab chiqish va tushish) namoyish qilgandi.
Izoh (0)