Xitoyning Huawei kompaniyasi Myunxenda yangi Mate 30 va Mate 30 Pro smartfonlari taqdimotini o‘tkazdi, deb xabar berdi Meduza.
Ikkala qurilma ham ochiq kodli Android versiyasida ishlaydi. AQSh taqiqlari sabab ularda Google servislari yo‘q. Endi ushbu smartfonlarda Google Play o‘rnida ilovalar uchun App Gallery deb nomlangan boshqa do‘kon bo‘ladi.
Smartfonlarga 40 megapikselgacha o‘lchamlarga ega Leica kameralari, shuningdek, keng burchakli ultra obyektivlar va telefoto-linzalar joylashtirilgan.
Huawei — smartfonlar ishlab chiqarish bilan shug‘ullanuvchi dunyodagi eng yirik kompaniyalardan biri hisoblanadi. G‘arb mamlakatlari kompaniyani Xitoy hukumati bilan hamkorlik qilganlikda ayblagan. Xususan, AQSh hukumati o‘z kompaniyalariga Huawei bilan ruxsatsiz hamkorlik qilishni taqiqlab qo‘ygan.
Izoh (0)