Mutaxassislar smartfonlar uchun begona mobil elektr quvvatlagichlardan foydalanmaslikni tavsiya qildi

Elektr quvvatlagich simlariga qurilmani egallab oladigan viruslar joylashtirish odat tusiga kirib bormoqda. Kiberxavfsizlik bo‘yicha mutaxassislar smartfon batareyasini quvvatlash uchun begona quvvatlagichdan foydalanmaslikni tavsiya qilmoqda, deya xabar berdi Spot, Forbes ma’lumotiga tayanib.

IBM Security’da X-Force Red’ning boshqaruvchi hamkori va rahbari Charlz Xenderson mijozlar kompyuter tizimlariga buzib kirishni amalga oshirib ularning ojiz nuqtalarini ko‘rsatib beruvchi xakerlar jamoasini boshqaradi.

Xakerlar elektr quvvatlagich simlariga viruslar kiritish yo‘lini o‘zlashtirganidan keyin uning jamoasi aksariyat hollarda mobil qurilma yoki kompyuterlarni masofadan boshqarish uchun mijozlarning begona quvvatlagichlardan foydalanish yoki foydalanmasligini aniqlab oladi.

Biz ko‘pincha iPhone uchun ajoyib elektr quvvatlash qurilmasini pochta orqali yuboramiz. Mijoz rasmiy saytida hamkorlik qilayotganini bildirgan firma nomidan beg‘araz sovg‘a qilinayotganini yozib, uni tuzoqqa tushiramiz. Simni yuborgach mijozning undan foydalanish yoki foydalanmasligini tekshiramiz.

Kiberxavfsizlik bo‘yicha mutaxassis, Charlz Xenderson.

Ushbu iPod simi yordamida Mac kompyuteriga ulandi va masofadan turib uning IP-manzilini aniqlab tizim boshqaruvini qo‘lga kiritdi. MG’ning qayd etishicha, keyinroq u o‘zi “buzib kirgan” kompyuteridan virusni o‘chirib tashlab, bor dalil-isbotni yo‘q qilishga ham ulgurgan.

Hozir zararli simli o‘tkazgichlar ommaviy tarqalmagan, ammo bunday ishlar sodir bo‘lmasligiga kafolat yo‘q va sxemaning aniq ishlayotganini inkor etib bo‘lmaydi. Texnologiya juda ixcham, qimmatga tushmaydi va xakerlar uchun qulayliklarga ega.

Barcha jabhada ehtiyotkor bo‘lish va o‘z qurilmalariga begona elektr quvvatlagichlar va USB simlarni ulamagan ma’qul. Bu shunchaki IT-gigiyena. SPAM xatlarda pochta parollari so‘rovlarini inkor qilgandek, begona simlardan foydalanishda ham xavfsizlik birinchi o‘rinda bo‘lishi lozim.

Kiberxavfsizlik bo‘yicha mutaxassis, Charlz Xenderson.