“O‘zstandart” avval foydalanilgan kiyimlar, texnika, ehtiyot qismlari va shinalar importini taqiqlashni taklif qilmoqda

Normativ-huquqiy hujjatlar loyihalari muhokamasi portalida “O‘zstandart” agentligi tomonidan ishlab chiqilgan Vazirlar Mahkamasi qarori loyihasi muhokamaga qo‘yildi, deb yozadi Spot.

Ushbu hujjatda agentlik tomonidan avval foydalanilgan mahsulotlar importini cheklash taklif etilmoqda.

Xususan, O‘zbekiston hududiga avval ishlatilgan quyidagi buyumlarni olib kirishni taqiqlash taklif etilmoqda:

• Avtomobil va qishloq xo‘jaligi shinalari, shu jumladan, qayta tiklanganlari;
• Avtomobil ehtiyot qismlari;
• To‘qimachilik va yengil sanoat mahsulotlari;
• Elektr va maishiy texnika buyumlari.

Bundan tashqari, Yevropa Ittifoqining RAPEX, RASFF xavfli mahsulotlarining axborot tizimlariga kiritilgan tovarlarni va boshqa xorijiy mamlakatlarning shunga o‘xshash tizimlarini erkin muomalaga chiqarishni taqiqlash taklif etilmoqda.