Sirdaryo viloyatining “Istiqlol” mahalla fuqarolar yig‘inida yashagan 52 yoshli E.K. ismli ayol 30-avgust kuni uyidan qorin qismida jarohatlari bilan kasalxonaga olib kelinib, ko‘rsatilgan tibbiy muolajalarga qaramay, vafot etgan. Shu kunning o‘zida bu haqda ichki ishlar organlariga xabar berilgan.
Surishtiruv natijasida marhuma 27-avgust oqshomida uyida tanishi, 40 yoshli H.X. bilan birga spirtli ichimlik ichib, keyin janjallashgani, janjal vaqtida erkak uning qorniga pichoq bilan jarohat yetkazgani, ayol 30-avgustgacha hech qayerga murojaat qilmay, jarohat bilan yurgani aniqlangan.
“Holat yuzasidan jinoyat ishi qo‘zg‘atilib, H.X. ushlangan. Tergov harakatlari olib borilmoqda”, — deya xabar bermoqda O‘zbekiston IIV Jamoatchilik va OAV bilan aloqalar boshqarmasi.
Izoh (0)